Për të arritur këto rezultate kompania ka vendosur të bashkpunojë me University of California dhe kompaninë biotech Biogen. Insiders tregon se studiuesit do të përdorin të dhënat e grumbulluara nga sensorët e iPhone dhe do të kërkojnë për shenja dixhitale që lidhen me sëmundjet mendore si depresioni dhe ankthi, e më pas do t’i përfshijnë ato në një algoritëm.
Kjo gjë do të bëjë të mundur parashikimin e këtyre sëmundjeve përmes të dhënave të grumbulluara nga iPhone-i juaj në versionet e ardhshme të sistemit operativ iOS. Ky projekt është ende në hapat e para dhe nuk ka asnjë konfirmim zyrtar nga Apple apo kompani të tjera.
Diagnostikimi efektiv i sëmundjeve mendore është tepër i vështirë pasi kërkon monitorim të kujdesshëm nga specialistët. Pikërisht një indikacion i hershëm nga iPhone mund të lehtësojë në diagnostikimin e këtyre sëmundjeve.
3,000 persona do të ndihmojnë në grumbullimin e të dhënave përmes kameras, lëvizjes së Apple Watch, shenjave jetike dhe regjistrimit të gjumit. Gjithashtu mund të studiohen dhe mimikat e fytyrës, mënyra se si vullnetarët flasin, sa shpesh ato dalin për një shëtitje dhe kualiteti i gjumit.
