Kryetarja e LSI, Monika Kryemadhi ka akuzuar prokurorin e Elbasanit, Kreshnik Ajazi që po i bën presjon kandidatëve të opozitës për deputet në këtë zonë.
Kryemadhi thotë se prokurori Ajazi e bën këtë gjë për arsye sepse do të ndiohmojë vëllain e tij, Besjan Ajazi, që do të jetë kandidat i PS-së për deputet në Gramsh.
Ndër të tjera, Kryemadhi i bën thirrje Këshillit të Lartë të Prokurorisë që të hetojë dhe të largojë nga Elbasani prokurorin në fjalë.
“Edhe presioni i Policisë së Shtetit ndaj kandidatëve të opozitës është jashtëzakonisht i madh, por edhe i Prokurorisë. Dhe këtu përfitoj nga rasti për t’i bërë thirrje Këshillit të Lartë të Prokurorisë, që të rishikojë emërimin e prokurorit të Elbasanit, i cili po përdor Prokurorinë e Elbasanit si element kërcënimi ndaj kandidatëve, për t’i hapur rrugën vëllait të tij Besjan Ajazi, këshilltarit të Taulant Ballës, i cili do të kandidojë për deputet në rrethin e Gramshit.
Ka bërë veprime të shëmtuara, por edhe të jashtëligjshme. Ndoshta ky do të jetë një moment shumë i mirë, qoftë edhe konflikt interesi, ai njeri duhet të largohet nga qarku i Elbasanit si prokuror i prokurorisë. Sepse turp më të madh sesa instrumentet e Prokurorisë së qarkut të Elbasanit, apo dhe të policisë, e në emër të Taulant Ballës, do të më vinte shumë keq dhe do të ishte një zhgënjim shumë i madh nga institucionet ndërkombëtare, të cilët kanë harxhuar para pafund për të depolitizuar sistemin e drejtësisë. Jo vetëm që nuk e kanë depolitizuar, por përkundrazi u kanë dhënë teserën e partisë së Rilindjes.
Faxnews
